Clique aqui para imprimir a missa

LETORE:Fradei e Sorele:Ncoi semo gran contenti esser insieme,riunidi,cola stessa fede,cola medessima speransa,col medesimo amore,par celebrare la santa messa nela légua dei nostri genitori,dei nostri antenati.Dei primi migranti taliani. Rigrassiemo el signor par questa oportunitá. Tutti insieme cantemo el canto inissiale:
01.CANTO INISSIALI

/:Adesso l'é tempo de esser cesa
Ndar insieme,partissipar:/
1-Semo popolo eleto,cola crose nela testa com el nome del signor,che camina al nostro fianco
2-Semo popolo em mission,romai l'é ora de ndar via l'él signor que me manda,nel so nome a servir.

CELEBRANTE:Nel nome Del Pare,Del Fiol Gesú e del Spirito Santo.
T:Amém
C:La grassia del Signor Gesú Cristo,l'amor de Dio Pare e la comunion Del Spirito Santo Sia Com tutti Valtri.
T:Benedeto el Signor Dio
C:Fradei e sorele,per celebrare degnamente i santi misteri,domandemo perdono dei nostri pecati.

02.CANTO DE PERDONO
1.Parche no te gó rispetá.Signor gabie pietá.
Parche gó sará le mie man.Signor gabie pietá.
/:Parche gá manca la fede e l'amor/pietá ó Signor:/
2.Parche non stato fraterno.Signor gabie Pietá.
Parche il mio cuor l' e serato.Signor gabie Pietá.

C:Dio onipotente el gábia misericórdia de noantri,el perdone i nostri pecati e ne porte a la vita eterna.
T:Amém

LETORE:Adesso,ringrassiemo e lodemo el Signor,per la vita,la storia e i insegnamenti dei nostri genitori,col canto del glória:

03 CANTO DE GLÓRIA
Glória a Dio nele alture,glória,glória aleluia!
Glória a Dio Pace in tera,glória,glória Aleluia.
/:Glória!Glória in tel ciel,pace in tera per i omi:/

Glória a Dio uno e santo,Pupá,Spirito e Fiol
Glória a Dio uno e trino,Glória a Dio Comunion.

C:Preghemo:Signor Dio,noantri semo qua tutti contenti,par lodarte volentiera e ringrassiarte,perché te ghé dato salute,pace e amore a lê nostre fameie e la concórdia coi visigni e amissi.Te ringrassiemo perché te ghé ampara i nostri antenati quando i zé vegnesti del Itália.
Alori che i ga dato la forsa dela fede e del amore.Te lo domandemo Pupá,parmeso de cristo Gesú,in union col spirito santo.
T:Amen.
II LITURGIA DELA PAROLA

LEITORE:Scoltemo adeso la letura del libro del eclesiástico,quando el Signor no ricomanda portare rispeto e passiensa coi nostri genitore per tutta la so vitá.

PRIMA LETURA:Letura del libro del eclesiástico:
''El Signor fa rispetare el pupa nei so fioi e confirma la autoritá dela mama nela so fameia.Chi rispeta so pupa,guadagna el perdono dei pecati e,quando el prega, laso orassion la riva al cielo.Chi rispeta so pupa,el gavará alegria coi so fioi,e quando se mete a pregar,el signor lo scoltará.Chi ripeta so pupa el gavará vita longa e chi scolta el pupá sara el consolo de so mama.Caro amico,rincura la vita de to pupa quando el diventa vécio e nó dargue disgusti inquanto lu el vive.Anca se'l vá fora dei sentimenti,fá sforso per capirlo com passiensa:Mai mancar de rispeto al pupá in vita.La caritá fata a to pupá no la sara mai smentegada,la servirá par riparare i to pecati e la sará par el to bem”Parola del Signor.
Tutti:Grássie a Dio.

Letore:Scoltemo,dês uma parte del capitolo dei ati dei apostoli,che ne fa veder come i primi cristiani i vivea.E zera pi o meno cossi,che vivea i nostri antenati,tel scominsio qua in mérica.

SECONDA LETURA:Letura dei ati dei apostoli(At.3,42-48)
''I primi cristiani i zera sempre pronti par scoltar i insegnamenti dei apostoli e i vivea come fradei,nela comunione del pan e in tea orassion.Tutti i gavea na poca de paura e tanti segnai e miracoli i zera fati par meso dei apostoli.Tuti quei che i gávea acetá la fede,i vivea in famea e anca i gávea tute lê cose insieme.
Que che i ghea proprietá e lê cose necessárie par viver,i vendea e dopo i spartia el guadagno tra tuti,dacordo al bisogno de cadaúno.Tuti i di indea in cesa insieme e a casasua i spartia el pan e i magnava contenti,com simplissitá de cuor,lodando a Dio e godendo la simpatia de tuto el pópolo.E tuti i di Signor el riunia in comunitá quei che zera salvi.''PAROLE DEL SIGNOR.
TUTI:Grássie a Dio

VANGELO
LEITORE:El vangelo zé la parola de Gesú e i nostri genitori i gá sempre scoltá el Signor.Par questo i me ga dato el gran tesoro dela fede.I zé vegnesti qua par semenar la semensa de fomento,de milho,de fasoi,par darghe de magnar ai fioi e i ga semena spessialmente la parola de Dio e el amor al Vangelo.E la mama insieme,col late del so peto,ga dato la fede ai so fioi.Gesú ghe vol bem a quei che semena.Aclamemo el vangelo col canto.

04.CANTO DEL VANGELO
/:MI SON LA STRATA,LA VERITÁ E LA VITA:/
1-Consagro nel mio cuore,tua parola,per non smentegarte
/:MI SON LA STRATA,LA VERITÁ E LA VITA:/
2-La tua voce,resterá per sempre.eterna come'l cielo.

C:El Signor sia com valtri
T:Elzé belche insiemeco noantri
C:Letura del vangelo de Gesú cristo,segundo Mateo.
T:Glória a ti Signor

''Un di,Gesú el zé partito de casa e el zé ndá darente al lago de Genesaré.Ma quando el zera li,zé riva tanta gente par scoltarlo parlar,che ghe ga toca ndar rento uma barca para insegnar.E lora el ga dito.”Um giorno,un semenador el zé ndá in colônia semenar.
Intanto che´l semenava,na parte dea semensa a la zé cascata tea strada;i oséi i zé vignesti e i la ga magnada.Nantra partela zé casada in meso i sassi,ndove ghe zera poca téra;la zé nassesta suito,ma quando zé vegnesto el sole la se ga brusada,parché no la gávea radise.Nantra parte dea semensa la zé cascada in meso ai spinari.I Spinari i zé vegnesti su e i la ga stofegada.Ma uma parte dea semensa la zé cascada in téra bona.Questa si la ga dato fruti.Chi ga voia de capir,che la capisse”PAROLA DEA SALVASSION.
T:GLÓRIA A TI SIGNOR

PROFESSION DE FEDE:

T:Credo in dio pupa onipotente,creator del cielo e dela téra.Credo in Gesú Cristo so ùnico Fiol,nassesto dela Vérgine Maria,per ópera del Spirito Santo;el zé sta crossificá,morto e sepolto soto Pónsio Pilato.Al terso di el zé ressussitá,come dise lê scriture,el zé ndá in cielo,e el zé senta a la drita de Dio Pupa,de ndove el vegneá per giudicar i vivi e i morti.Credo nel Spirito Santi,nela cesa católica,nei Àngeli e nei Santi,nel perdono dei pecati,nela ressuression dela carne e nela vita eterna.AMEN.
PREGHIERE DELA COMUNITÁ
C:Com fede e speranza,portemo al Signor lê nostre preghiere e lê nostre necessita.Dopo de ogni preghiera, disemo tuti insieme:Scóltame Signor.
III LITURGIA EUCARISTICA
OFERTORIO
L:El celebrante el fa la oferta del pan e del vin,che noantri gavemo guadagná col nostro laoro,e in questo pan e in questo vin Gesú se fa presente,Parché el zé presente anca in tea nostra vita,soratudo quando laoremo la téra,de ndove vien el pan el vin e tuto quel che dá forsa e la nostra vita.

CANTO DELE OFERTE
1-I Grani che fa la panocia, S'impasta per esser par I omi che fa la cesa,se une per la oblassion.

/:DAVANTI LA TOLA sIGNOR,CAPISSO LA VOCASSION
BISOGNA SACRIFICAR LA VITA PER LA MISSION:/

2-El grano che casca in tera,sol vive quando' l more Nel dar ze che se guadagna,morindo ze che se vive

3-El vin el pan te ofertemo,son nostra risposta de amor domandando umildemente,acetala ò Signor.

C:Preghé,Frdei e sorele,parche el nostro sacrifissio sia aceto a Dio pupa onipotente.
T:Ricerva Signor per lê tue man questo sacrifissio par onore gloria del nome,par el nostro bene e de tuta la sua santa cesa.

PREGHEMO:
C:Con queste nostre oferte de pan e vin,Signor,te domandemo de ricéver la nostra vita,i nostri laori,la salute e lê malatie,la vita alegra e lê dificoltá de tuti e che tuto se cambie nel corpo e sangue de Gesú Cristo,in union col Spirito Santo.
T:Amen.

Preghiera Eucarística
C:El Signor sia co voaltri.
T:El zé insieme co noantri.
C:In alto il vostro cuore.
T:El nostro cuore l'é in Dio.
C:Demo grássie al Signor,nostro Dio.
T:Zé cosa bona e giusta.
C:Zé veramente cosa bona e giusta,nostro dever e fontana de salvassion,darte grássie sempre in tuti i posti a ti,pupa Santo,par Gesú Cristo to diletissimo Fiol.Par meso de lu,gavê fato tute lê cose del mondo e lo gavê manda da noantri come salvator e redentor,fato omo per ópera del Spirito Santo,nassesto dela Vérgine Maria.Per rispónder a la to volontá e far um pópolo Santo,el zé morto in tela crose,destrugendo la morte e proclamando la ressureission.Per questo mistério da salvassion,insieme ai ángeli e ai Santi,tuti insieme cantemo:
06.SANTO
É tre volte Santo,Dio del Universo,
Proclama tua Glória la tera e i cieli

/:OSANA,OSANA,NEL ALTO DEI CIELI
BENEDETO CHI VIEN EM NOME DE DIO:/

C:Pupa,veramente santo,fontana de santitá.
Santifica questi doni col tuo Spirito,parche i devente par noantri el corpo e el sangue de Gesú Cristo,Vostro Fiol e nostro Signor.
T:Santifiche la nostra oferta,ó Signor.
C:Gesú,acentando liberamente la passion,el ciapa in man i pan, rende grássie,lo spartisse e lo dá ai so dissipoli,disendo:CIAPÉ TUTI E MAGNÉ:QUESTO ZÉ EL MIO CORPO OFERTO.

IN SACRIFICIO PER VALTRI.
Dela stessa maniera,dopo la sena,el ciapá el cálisse,el rende grássie,lo da ai so dissipoli disendo:
CIAPÉ TUTI E BEVÉ.QUESTO ZE EL CALISSE DEL MIO SANGUE.SANGUE DELA NOVA E ETERNA ALEANSA,FATO PAR VALTRI E PAR TUTI, IN REMISSION DEI PECATI.FÉ QUESTO IN MEMORIA DI ME.
C:Eco el mistério dela fede
T:Anunsiamo,signor la vostra morte,proclamando la vostra ressureission e spetemo el vostro ritorno.
C:Celebrando in memória dela morte e ressureission de vostro Fiol,vê regalemo,Pupa nostro,el pan dela vita e el vin dela salvassion,e vê rendemo grássie parche te me gavé fato degni de esser qua nela vostra presença e poder servir-ve.
T:acetê,Ó Signor,la nostra oferta.
C:E Noantri,vê preghemo,che comungando el corpo e el sangue de cristo,podemo esser reuniti.per le Spirito Santo in uno solo corpo.
T:Fé de nosntri um solo corpo e um solo Spirito.
Cricordeve,Pupa nostro,dela vostra sesa semenada sora tuta la terá,fela perfeta nel amor,in union col nostro Papa ,col nostro vesco e tuti ministri del vostro Popolo.
T:Ricordeve,ó Pupa,dela vostra Cesa.
C:Ricordeve anca dei nostri fradei e sorele morti nela speransa dela ressuression,e de tuti morti che i ga bisogno dela vostra clemensa,ciameli insiemi co voi nela luce dela vostra vita.
T:Ricordeve,ó Pupa ,dei vostri Fioi.
C:Anca,vê domandemo de aver misericórdia de noantri e deme a tuti la grássia de rivar a la vita eterna,ensieme com la beata Vérgine Maria,Mama de Dio,co i Apóstoli e tuti i santi,che in tuti tempi e vê ga sèrvio,per poder lodarve e glorificarve per Gesú Cristo,Vostro Fiol.
T:deme la grassia de viver coi santi.
CeT:Per Cristo,com Cristo e in Cristo,a voi,Dio Pupá Onipotente,nel'Unitá del Spirito santo,onore e gloria adesso e per sempre.

RITO DELA COMUNION
C:Preghemo com amor e fede la orassion che'l Signor Gesú me ga Insegná.
T:Pupá nostro,che te se in cielo,santifica sia el to nome,vegna el to regno,sia fata a to volontá,come in cielo cosi in terá.Dá a noantri ,ancoi,el pan cotidiano e perdona i nostri pecati,come noantri perdonemo ai nostri debitori,e no dassarme cascar in tentassion,ma libera a noantri del mal.
C:Libera a noantri,Signor,de tuti i mali e daghe la pace ai nostri giorni e che col dela tua Misericórdia,possamo viver distante del pecato e dei pericoli,vivendo nela speransa del ritorno del nostro salvador Gesú Cristo.
T:Vostro zé el regno,vostra zé lá potensa e la glória per sempre.
C:Signor Gesú cristo,che gavé dito ai apostoli've dasso la pace,vê dão la mia pace no ste vardar i nostri pecati,ma lfede dela vostra cesa e deghe unitá e pace secondo la vostra volontá.Voi che vive e regna col pupa,in union co Spirito santo.
T:Amen
C:La pace del Signor Sia Sempre com valtri
T:El Amor de Gesú Cristo me ga unio.

CHE SIA SEMPRE COM VOI LA PAC DEL SIGNOR GESÚ(3X)

C e T:Agnelo de Dio che perdoné i pecati del mondo,Gavé pietá de Noantri(2x)
Agnelo de Dio perdoné i pecati del mondo,dé a noantri la pace.
C:Beati que che i zé convidai a la segna del Signor.
Eco el agnelo de Dio,quel che perdona i pecati del mondo.
T:Signor,nó som mia degno che vegné casa mia,ma diese sol uma parola e mi saro salvo.
C:El corpo de cristo me porte la vida eterna.
T:Amen
7.CANTO DE COMUNION (FOLHA ANEXA)
IVRITI FINALI:
C: El Signor sia com valtri
T: El zé insieme com noantri
C: Che'l Signor vê mantegna sempre in Salute,contenti e com fede,e vê benedissa cola so grássia.
In nome del Pupa,Del Fiol Gesú e del Spirito Santo.
T:Amen
C:La messa la zé finia:ndeá in pace.
T:Grássie a Dio.

Preces:

-Per lê Famiglie que possa ristar sempre unide,disemo tuti insieme....
-Per lá Salute del nostro Papa,disemo tuti insieme....
-Per que lá nostra famiglia que se unice cada giorno depú disemo tuti insieme....
-Per lá salute dei nostri Bambini disemo tuti insieme....